MANILA, Philippines – ITINALAGA ni Pangulong Ferdinand R. Marcos Jr. si Atty. Erwin Erfe bilang bagong deputy chief public attorney ng Public Attorney’s Office (PAO).
Sa katunayan, kinumpirma ni Presidential Communications Office (PCO) Secretary Cheloy Garafil ang bagong appointment ni Erfe sa text message na ipinadala sa mga Palace reporters, Martes ng gabi, Abril 2.
Nauna nang inanunsyo ni PAO chief Persida Ruesta-Acosta ang promosyon ni Erfe sa kanyang X post at ibinahagi nito ang appointment papers.
Base sa kanyang appointment paper na nilagdaan ni Pangulong Marcos noong nakaraang Marso 27, pinalitan ni Erfe si dating PAO deputy chief public attorney Silvestre Mosing.
Nagsilbi si Erfe bilang director ngForensic Laboratory Division sa PAO bago pa ang kanyang appointment. Kris Jose
