MANILA, Philippines – ILULUNSAD ng Bureau of Immigration (BI) ang Advance Passenger Information System (APIS), isang malaking hakbang sa modernisasyon ng seguridad sa hangganan at pag-streamline ng mga proseso ng imigrasyon.
Ayon sa BI, ang APIS ay isang sistemang kinikilala sa buong mundo na ginagamit ng mga bansa upang magsagawa ng advance screening ng mga pasahero bago sila dumating.
Ang nasabing sistema ay nagbibigay-daan umano sa mga awtoridad na matukoy ang mga potensyal na banta sa seguridad at mapadali ang tuluy-tuloy na mga pamamaraan sa pagpasok, na bilang bahagi ng pagbabago na isinasagawang mga pagsusuri sa imigrasyon sa Pilipinas.
Binigyang-diin ni BI APIS Operations Center (APOC) Chief at Deputy Spokesperson Melvin Mabulac ang kahalagahan ng APIS sa pagpapalakas ng seguridad sa hangganan ng bansa.
“This system will enable us to screen passengers in advance, improving risk assessment and expediting the processing of legitimate travelers,” ani Mabulac.
Bilang bahagi ng paghahanda ng BI, isinasagawa ang pilot testing sa mga pangunahing airline, kabilang ang Philippine Airlines (PAL) at Cebu Pacific, sa pakikipag-ugnayan sa kanilang mga service provider. Ang mga pagsubok sa koneksyon sa I-24/7 database ng INTERPOL ay matagumpay ding naisagawa, na tinitiyak ang access sa mga international security watchlist para sa pinahusay na pagsubaybay.
Ang BI ay aktibong nakikipag-ugnayan sa mga pangunahing stakeholder, kabilang ang INTERPOL, mga kinatawan ng airline, at ang United Nations Office of Counter-Terrorism (UN OCT), upang matiyak ang tuluy-tuloy na pagsasama ng APIS sa mga kasalukuyang sistema.
Ang nasabing sistema ay inaasahang ilulunsad sa loob ng buwan, na nagpapakita ng pagpapalakas sa mga kapasidad sa imigrasyon ng BI.
“This initiative marks a significant milestone in our ongoing efforts to modernize immigration processes,” ani BI Commissioner Joel Anthony Viado.
“With APIS, we are not only strengthening security but also ensuring a more efficient and hassle-free experience for travelers,” dagdag pa ng opisyal.
Ayon pa kay Viado, ang paglulunsad ng APIS ay isang malaking hakbang tungo sa Bagong Immigration vision ng ahensya, na humahantong sa layunin ng Presidente sa Bagong Pilipinas. JAY Reyes
