MANILA, Philippines – Inanunsyo ng Toll Regulatory Board (TRB) nitong Biyernes, Disyembre 26 ang toll adjustment sa Southern Tagalog Arterial Road (STAR) Tollway simula Enero 1, 2026.
Sinabi ng TRB na “[t]his adjustment will ensure the continued operations, maintenance, and improvements of STAR — for a safer, faster, and more convenient travel experience.”
Para sa Section 1 o mula Sto. Tomas, Batangas patungong Lipa, Batangas, magkakaroon ng karagdagang P5, P9, at P14 sa Class 1, 2, at 3 vehicles.
Dahil dito ay magiging P60 ang toll fee sa Class 1, P119 sa Class 2 at P179 sa Class 3.
Para naman sa Section 2 o mula Lipa, Batangas patungong Batangas City, magkakaroon ng karagdagang P4, P8, at P12 para sa Class 1,2,3 vehicles.
Dahil dito ay magiging P53 ang toll rates sa Class 1 vehicle, P106 sa Class 2, at P159 sa Class 3. RNT/JGC
