MANILA, Philippines – Kinumpirma ng Department of Justice noong Biyernes, Pebrero 6 ang promosyon ni dating Assistant Secretary Majken Anika Gran-Ong sa Department of Justice.
Ayon kay DOJ Spokesperson Atty. Polo Martinez ito ay matapos itinalaga ni Pangulong Marcos si Gran-Ong bilang bagong undersecretary ng DOJ.
Si Gran-Ong na itinalaga noong Enero 28, ay mangangasiwa sa Finance, Administration, at Personnel Cluster ng DOJ.
Itinalaga rin si Gran-Ong bilang Overall Deputy ng Immigration and Special Concerns Cluster, Special Deputy ng Legal Services and Legislative Liaison Cluster, at Executive Director ng Prosecution Integrity Board.
Simula noong Hulyo 2018, bahagi na si Gran-Ong ng DOJ, kung saan nagsilbi siyang head executive assistant sa Office of the SOJ. Noong 2021, itinalaga siya bilang assistant secretary.
Bago sumali sa DOJ, naging technical assistant siya sa Office of the President mula 2016 hanggang 2018. Nagtapos siya ng political science sa University of the Philippines (UP) at ng law school sa Ateneo de Manila University.
Bukod kay Gran-Ong, ang iba pang undersecretaries ng DOJ ay sina Jose R. Cadiz Jr., Margarita N. Gutierrez, Deo L. Marco, Nicholas Felix L. Ty, at Raul T. Vasquez. Jocelyn Tabangcura-Domenden
