Larawan mula sa Facebook page ng RAHA Volunteers Fire Department
MANILA, Philippines- Kasalukuyang nasusunog ang gusali ng isang kilalang mall sa Maynila, ayon sa ulat ngayong Lunes ng umaga.
Sa inisyal na impormasyon ng Bureau of Fire Protection (BFP), ang eksaktong lokasyon ng sunog ay sa likod ng Lucky China Town, subalit ang partikular na nilalamon ng apoy ang ika-apat na palapag ng Lucky Chinatown Mall Museum.
Iniakyat pa lamang sa unang alarma ang sunog na nagsimula ng alas-7:13 ng umaga kung saan sinisikap na apulahin ng mga bumbero ng BFP at fire volunteers na nasa lokasyon ang pagliyab.
Inaantabayanan pa ang ibang detalye, impormasyon o update sa nagaganap na sunog. Jocelyn Tabangcura-DomendenaAHA
