MANILA, Philippines – Posibleng maibalik na sa Pilipinas si dating Negros Oriental Rep. Arnolfo Teves Jr. matapos ang gaganapin na pagbisita ni Pope Francis sa Timor-Leste.
Ayon Justice spokesperson Assistant Secretary Mico Clavano, tiniyak na mismo ni Timor-Leste President Jose Ramos-Horta na hindi magtatagal ay maipapatapon na pabalik ng Pilipinas si Teves.
Nakikipag-ugnayan na sa Timor-Leste ang Department of the Interior and Local Government (DILG) at iba pang ahensya ng pamahalaan para sa extradisyon ni Teves.
Kung masusunod aniya ay maisasagawa ang extradition ni Teves matapos ang Papal visit na nakatakda mula September 9 to 11.
Una nang ibinasura ng pamahalaang Timor-Leste ang kahilingan ni Teves na manayili na lamang sa kanilang bansa.
Nitong Hunyo inaprubahan ng Court of Appeals ng Tinor-Leste ang extradition request ng Pilipinas kay Teves.
Si Teves ay nahaharap sa kasong murder kaugnay sa pagpatay kay Negros Oriental Governor Roel Degamo noong 2023.
Nananatiling nasa kustodiya ng Timor Leste police si Teves matapos maaresto noong Marso batay sa red notice na inilabas ng International Criminal Police Organization (Interpol). Teresa Tavares
