Bangkay ng 18-anyos, umalingasaw sa septic tank sa Ilocos Sur

MANILA, Philippines – Natagpuan ang bangkay ng isang 18-anyos na estudyante sa loob ng isang bukas na septic tank sa Sta. Maria, Ilocos Sur.

Ayon sa pulisya, nag-inuman ang biktima kasama ang mga kaibigan niya noong gabi ng Lunes.

Batay sa paunang imbestigasyon, posibleng aksidenteng nahulog siya sa septic tank.

Naimbestigahan at pinayagang umalis ang mga kaibigan matapos magbigay ng pahayag.

Naghihintay pa ang awtoridad ng resulta ng autopsy upang matukoy ang sanhi ng pagkamatay. Patuloy ang imbestigasyon. RNT