SEBASTE, Antique- PATULOY na inaalam ng mga awtoridad ang pagkakakilanlan sa natagpuan bangkay ng babae na walang ulo at mga kamay sa kasagsagan ng malakas na buhos ng ulan kaninang umaga sa bayang ito.
Sa report ng Municipal Disaster Risk Reduction Management Office (MDRRMO) bandang 7:00 AM nitong Linggo natagpuan ang bangkay ng babae na walang ulo at mga kamay sa Brgy. Aguila, Sebaste, Antique.
Kaagad naman dinala ng mga awtoridad sa Sebaste Community Hospital ang bangkay ng babae.
Nanawagan naman ang mga awtoridad sa publiko na may mga kaanak na nawawalang babae ay maari lamang makipag-ugnayan sa kanilang tanggapan. Mary Anne Sapico
