LEGAZPI CITY, Albay- Pinagbabaril ang isang kagawad ng Barangay Maguiron, Guinobatan, Albay nitong Linggo ng umaga.
Kinilala ni Police Lt. Col. Malu Calubaquib, tagapagsalita ng Police Regional Office-5, ang biktima na si Salvador Mortega Pardiñas, alyas Badoy, 51.
Batay sa imbestigasyon, nakaupo ang biktima malapit sa isang bakery sa Guinobatan nang lapitan ng isang lalaki at pagbabarilin ito.
Tumakas ang suspek habang unang dinala ang biktima sa Garcia-Gata Hospital sa Guinobatan at kalaunan ay inilipat sa Josefina B. Duran Albay Provincial Hospital (JBDAPH) sa Ligao City, Albay kung saan siya idineklarang patay.
Nagsasagawa na ng follow-up investigation ang mga awtoridad. RNT/SA
