MANILA, Philippines- Maagang binawian ng buhay ang isang 4-anyos matapos umanong mahulog mula sa ika-27 palapag ng isang condominium building sa Cebu City nitong Lunes.
Natanggap umano ng pamunuan ng Citrineland Corp. ang ulat ukol dito ng alas-6:50 ng umaga.
“The management is deeply shocked and saddened by this recent incident as our thoughts and prayers go out to the family of the child,” anito.
“The safety and well-being of our residents, visitors, and staff have always been of greater importance to us, and we are fully cooperating with the condominium corporation and authorities in their investigation into the matter,” patuloy pa ng pamunuan.
Inilahad ni Police Major Romeo Caacoy Jr., hepe ng Mabolo Police Station, nahulog ang bata sa ikatlong palapag ng gusali.
Agad na dinala ang bata sa ospital subalit idineklara na rin itong patay. RNT/SA
