MANILA, Philippines – — Sinabi ni National Bureau of Investigation (NBI) Director Melvin Matibag na nagawa na umano ni Vice President Sara Duterte ang betrayal of public trust nang aminin nitong may kinausap siyang tao para patayin sina Pangulong Ferdinand Marcos Jr., First Lady Liza Araneta-Marcos, at dating House Speaker Martin Romualdez kung siya ay mapapatay.
Ayon kay Matibag, taliwas umano ito sa sinumpaang tungkulin ng bise presidente na ipatupad ang batas at magbigay ng katarungan.
Hiniling ng depensa na alisin sa rekord ang pahayag ni Matibag ngunit hindi ito pinaboran ng impeachment court.
Samantala, sinabi ni lead prosecutor Rep. Gerville Luistro na direktang sagot lamang ni Matibag ang tanong ng depensa tungkol sa umano’y betrayal of public trust.
Nahaharap si Duterte sa impeachment dahil sa mga alegasyon ng culpable violation of the Constitution, graft and corruption, bribery, betrayal of public trust, at iba pang mabibigat na krimen. RNT/MDS
