MANILA, Philippines- Bumaba ang bilang ng mga nasisita sa Epifanio Delos Santos Avenue (EDSA) busway sa pamamagitan ng araw-araw na operasyon ng traffic enforcers at paghihigpit sa parusa kamakailan, ayon sa opisyal ng Metropolitan Manila Development Authority (MMDA).
Sa panayam nitong Lunes sa Quezon City, binanggit ni MMDA Assistant General Manager for Operations, Assistant Secretary David Angelo Vargas ang pagbaba ng mga nasisita kumpara noong nakaraang linggo.
“At around 8:30 a.m. to 9 a.m. last week, we have usually apprehended more or less 60 violators. But today, we have observed that there was a minimal number of unauthorized vehicles entering the exclusive bus lane,” pahayag niya.
Hanggang alas-11 ng umaga, 29 busway violators ang nahuli, na binubuo ng 26 motorsiklo at tatlong kotse.
Iniugnay niya ang pag-unti ng mga nasisita sa “consistency in the daily operations” ng MMDA ang pag-igting ng EDSA busway penalties na pinairal nitong Oktubre.
“Motorists are gradually obeying traffic rules and regulations in Metro Manila, particularly the EDSA busway policy,” pahayag niya.
Bukod sa EDSA, sinabi niya na pinaiigting din ng MMDA enforcers ang anti-illegal parking operations sa kahabaan ng “Mabuhay Lanes” o ang alternatibong ruta para makaiwa sa EDSA.
“You can report to us your locations where there are many illegally parked vehicles and we will verify it and coordinate with the local government units before we operate in the area,” pahayag niya.
Sa ilalim ng MMDA Regulation 23-002, ang bagong multa para sa ilegal na pagdaan sa EDSA busway ay itinakda sa P5,000 para sa first offense, P10,000 at one-month license suspension para sa second offense, P20,000 at one-year license suspension para sa third offense, at P30,000 fine at rekomendasyon ng license revocation para sa fourth offense. RNT/SA
