MANILA, Philippines – Naibalik na sa normal ang bahagi ng Philippine-Singapore cable na nag-down dahilan para magbalik-normal na rin ang serbisyo ng internet nitong Sabado, Oktubre 3.
Sinabi ng InfiniVAN Inc., isang Japanese-Filipino telecommunications and information and communications technology solutions provider, na ang C2C Submarine Cable (Philippine-Singapore) segment ay fully restored na.
Matatandaan na nakaranas ng network connection at internet speed issues ang ilang internet service providers (ISPs) sa bansa nitong Biyernes.
Ipinaliwanag ng kompanya na nakaranas ng problema ang Philippine-Singapore link dahilan para sa paputol-putol o mabagal sa karaniwang internet connectivity.
Dagdag pa, sumasailalim din sa maintenance ang Hong Kong link nito dahilan para sa limitadong network service.
“Our Network Operations team continues to closely monitor the connection to ensure service stability,” pagsisiguro naman sa abiso na inilabas nitong Sabado ng hapon. RNT/JGC
