MANILA, Philippines – PARA kay Department of National Defense (DND) Secretary Gilberto Teodoro Jr. isang mahalagang bahagi ng ‘deterrent capability’ ng Pilipinas ang nabili nitong Indian-made BrahMos cruise missile system, may tatlong baterya noong 2022.
“The experience has been very, very enlightening for us. It is an important part of our deterrent package and we will continue to advance discussions on how we can envelop the partnership on a sustainable basis,” ayon sa Kalihim bilang tugon sa tanong ng Indian media ukol sa Brahmos missile sa Philippine service at kung may plano na bumili ng mas marami pang unit.
Si Teodoro ay bahagi ng delegasyon ni Pangulong Ferdinand R. Marcos Jr. sa kanyang state visit sa India mula August 4 hanggang 8.
Nauna rito, sinabi ni Pangulong Marcos na muling bibili ang Pilipinas ng karagdagang BrahMos supersonic missiles mula sa India para palakasin ang depensa ng bansa.
Sinabi ito ng Pangulo sa panayam ng Indian media na Firstpost, na kung saan nakausap niya ang mga sundalong gumagamit ng BrahMos at sinabing kulang pa ang missiles para sa proteksiyon ng bansa.
“From the demonstrations that they’ve seen, from the training they received both in India and the Philippines, from the practice runs that they’ve done, they seem confident with the equipment? we are in the process of actually procuring more,” wika niya.
Dagdag pa ng Pangulo, nagpapasalamat siya na hindi pa kailanman nagamit ang dalawang BrahMos missile na nasa Pilipinas ngayon.
Ang anunsiyo ay ginawa habang nasa five-day state visit si Marcos sa India mula Agosto 4 hanggang 8.
Ang BrahMos deal ay bahagi ng military modernization ng bansa sa gitna ng tensiyon sa West Philippine Sea.Pero nilinaw ng Pangulo na hindi ito paghahanda para sa digmaan. Kris Jose
