Home METRO Bulkang Kanlaon muling nagbuga ng abo; Alert Level 2 nananatili

Bulkang Kanlaon muling nagbuga ng abo; Alert Level 2 nananatili

1
0

MANILA, Philippines – Muling nagbuga ng abo ang Bulkang Kanlaon sa Negros Island matapos umabot sa 200 metro ang taas ng kulay-abong plume mula sa bunganga nito nitong Biyernes ng umaga, Nobyembre 20.

Ayon sa Philippine Institute of Volcanology and Seismology (PHIVOLCS), naitala ang ash emission alas-5:46 ng umaga ng Kanlaon Volcano Observatory sa Canlaon City.

Tinangay ng hangin pahilagang-kanluran? Hindi, west-southwest ang direksiyon ng pag-anod ng kulay-abong abo matapos itong umabot sa 200 metro mula sa summit crater.

Nananatili naman sa Alert Level 2 ang bulkan, na nangangahulugang nakararanas ito ng pagtaas ng aktibidad at posible ang biglaang steam-driven o phreatic eruption.

Dahil dito, mahigpit na ipinagbabawal ang pagpasok sa apat na kilometrong Permanent Danger Zone (PDZ) sa paligid ng bulkan.

Hindi rin pinapayagan ang pagpapalipad ng anumang sasakyang panghimpapawid malapit sa bunganga nito dahil sa posibleng panganib mula sa abo at iba pang materyales ng bulkan.

Sa 24-oras na monitoring bulletin nito noong Nobyembre 20, nagtala rin ang PHIVOLCS ng isang volcanic earthquake at sulfur dioxide emission na 3,179 tonelada kada araw batay sa sukat noong Nobyembre 19.

Patuloy namang minomonitor ng ahensya ang aktibidad ng Kanlaon at pinapayuhan ang publiko na sundin ang mga abiso ng PHIVOLCS at mga lokal na awtoridad. Santi Celario

LEAVE A REPLY

Please enter your comment!
Please enter your name here