MANILA, Philippines – Nagpahayag ng suporta ang Caritas Philippines, ang development at advocacy arm ng Catholic Bishops’ Conference of the Philippines (CBCP), nitong Biyernes, Abril 5 sa pagpapanatili ng isang kasunduan para protektahan ang Masungi Georeserve sa lalawigan ng Rizal matapos ibunyag ni Environment Secretary Antonia Yulo-Loyzaga ang planong ibasura.
Ang Caritas ang unang grupo na nagpahayag ng suporta sa publiko para sa 2017 memorandum of agreement (MOA) sa pagitan ng Department of Environment and Natural Resources (DENR) at ng Masungu Georeseeve Foundation Inc. (MGFI), pagkatapos ng pagbubunyag ni Yulo-Loyzaga noong Miyerkules.
Sinabi ng MGFI sa isang pahayag na sa ilalim ng kasunduan ito ay itinalaga bilang ‘katiwala’ ng project area na binubuo bilang walang hanggang tiwala sa lupa para sa konserbasyon.
Ang 2,700-ektaryang protektadong lugar ay matatagpuan sa katimugang hanay ng Sierra Madre sa bayan ng Baras ng lalawigan ng Rizal.
Sa pagdinig sa Senado noong Miyerkules, sinabi ni Yulo-Loyzaga na ang kasunduan na ginawa sa panahon ng panunungkulan ni dating Environment Secretary Gina Lopez ay walang bisa.
Binanggit din niya ang legal na opinion ng Department of Justice (DOJ) na natagpuan na ang MOA ay ‘unconstilitutional.’
Iginiit ng MGFI na ang MOA ay valid at tanging ang Korte lamang ang may kapangyarihan na ito ay kanselahin.
Sinabi ng foundation na nananatiling may bisa ang MOA at habang nananatili ito, nangako itong ipagpapatuloy ang trabaho nito kasama ang 100 local ranger.
Sinabi ng Caritas na ang tagumpay ng Masungi Georeserve Project ay testamento ng positibong epekto nito.
Sinang-ayunan ng Caritas ang pahayag ng MGFI na ang hakbang ay tila pabor sa pribadong establisyimento kaysa mga Filipino at ang kapaligiran. Jocelyn Tabangcura-Domenden
