MANILA, Philippines – Dinipensahan ng mga miyembro ng House prosecution panel ang pahayag ni Senator-judge Raffy Tulfo na ang prosekusyon ay nakagawa ng lapses sa judgment sa pagpresenta ng mga witness sa Senate impeachment court.
“Minsan, ‘yung prosecution, sorry, pumapalpak-palpak kayo. There are times na naglalagay kayo ng mga witnesses dito na hindi naman kailangan talaga nagsasayang lang tayo ng oras,” ani Tulfo.
Sa kabila nito, sinabi ni House prosecution spokesperson Rep. Zia Alonto Adiong, na siya ay “respectfully disagree” sa obserbasyon ng senator-judge at iginiit na nagagawa ng prosekusyon na makapaglatag ng malinaw na ebidensya sa pamamagitan ng mga witness.
“Although we respect the opinion of the Senator-judge Tulfo but I completely disagree with his observation…,” ani Adiong.
“What is important is based on this information that we extracted from our witnesses, provided with the clear evidence, we have fulfilled and we have been able to send across the trial, to the court and to the people,” dagdag pa niya.
Sinabi rin ni Tulfo na ang isa sa mga prosecutor ay “nagpapa-cute lang.”
Nirerespeto umano ni House prosecutor Rep. Terry Ridon ang senator-judge bagamat hindi ito sang-ayon sa karakter nito.
“Kung meron poing nagpapa-cute, mas magandang pangalanan po siguro kung sino po yung nagpapa-cute. Kasi as far as we’re concerned, we’re focused on the case, we’re proud of our prosecutors.”
Samantala, sinabi naman ni private prosecutor Kapunan na ang Senado ay dapat na maging safe space para sa mga kababaihan.
“The Senate should be reminded that it was the Senate that passed the Safe Space Law… so we are believing that (such statement) could be a misstatement but still believing that the Senate is a safe space for women like us,” ani Kapunan.
“We do welcome opinions, side opinions or side comments from senator-judges because eveything is taken here in a positive way,” dagdag pa niya. RNT/JGC
