Ayon sa Philippine Coast Guard District North Eastern Luzon, nakatanggap sila ng ulat tungkol sa ilegal na aktibidad ng pangingisda sa Veterans Wharf sa Barangay Macanaya.

Agad naman silang rumesponde kasama mga kinatawan ng Bureau of Fisheries and Aquatic Resources.

Narekober ang isang inabandonang cooler box na naglalaman ng tinatayang 100 kilo ng karne ng pating.

Ayon pa sa ulat, ang mga pating ay nahuli sa katubigan sa paligid ng Sitio LaUnionan.

Maayos na idinokumento ng BFAR ang nakuhang karne ng pating bago ito itinapon sa ilalim ng pangangasiwa ng ahensya at alinsunod sa mga umiiral na pamamaraan.

Hanggang sa ngayon ay patuloy  ang imbestigasyon upang matukoy ang mga indibidwal sa iresponsable sa pagkatay ng pating. (REY VELASCO)

The post 100 kilong karne ng pating, narekober sa Cagayan first appeared on Remate Online.

Bagama’t mas mababa ang kabuuang bilang kumpara noong nakaraang taon, nagbabala ang ahensya ng pagtaas ng kaso sa nakalipas na tatlo hanggang apat na linggo.

“An increasing trend has been observed in the recent three to four weeks with 19,792 cases, 14 percent higher than the reported 17,342 in the previous five to six weeks,” ayon sa DOH.

Ayon sa DOH, pinakamaraming kaso ang naitala sa Region III (Central Luzon), Region IV-A (Calabarzon), at National Capital Region (NCR).

Naitala rin na ang median age ng mga pasyenteng may dengue ay 13 taong gulang, habang ang mga batang pumapasok sa paaralan ang pinaka-apektado.

Hinikayat ng ahensya ang mga paaralan na palakasin ang mga hakbang pang-iwas at paigtingin ang pagkontrol sa pagdami ng lamok na may dalang dengue.

“Pinaaalalahanan ng DOH ang publiko na huwag maging kampante at ipagpatuloy ang pagsasagawa ng ‘4Ts – Taob, Taktak, Tuyo, Takip’,” anito.

Tumutukoy ito sa pagtataob ng mga lalagyang maaaring maipunan ng tubig, pagtataktak ng mga bagay na maaaring pamugaran ng tubig, pagpapanatiling tuyo ng mga lugar at lalagyan, at pagtatakip sa mga imbakan ng tubig upang maiwasan ang pamumugaran ng lamok.

Hinimok din ng DOH ang mga magulang na dalhin agad sa pinakamalapit na health facility ang kanilang mga anak kung makaranas ng sintomas tulad ng mataas na lagnat, sakit ng ulo, pananakit ng katawan, pagduduwal o pagsusuka, at pantal. Jocelyn Tabangcura-Domenden

The post Higit 155K kaso ng dengue naitala sa bansa – DOH first appeared on Remate Online.

Batay sa CCTV footage sa Mojica Residence, Purok 4, Brgy. Banaba, makikitang may kausap sa cellphone ang suspek bago pumasok sa kuwarto ng amo. Kinuha nito ang susi, binuksan ang drawer ng cabinet at kinuha ang pera at mga alahas.

Naiwan umano sa bahay ang suspek at ang 82-anyos na ina ng may-ari. Bandang alas-2:45 ng hapon, iniabot umano ni Leah sa isang lalaking nakamotorsiklo ang paper bag na naglalaman ng pera at mga alahas.

Napag-alaman ding may isa pang paper bag na may laman ding cash at alahas na itinago sa ibang bahagi ng bahay.

Matapos mapanood ng may-ari ang CCTV, agad itong nakipag-ugnayan sa barangay na nagresulta sa pagkakaaresto kay Leah. Patuloy namang pinaghahanap ng mga awtoridad ang motorcycle rider na umano’y kasabwat nito. MARGIE BAUTISTA

The post Yaya arestado sa pagnanakaw ng P317K cash, alahas sa Cavite first appeared on Remate Online.

Sa Palace press briefing nitong Martes, sinabi ni Presidential Communications Office Undersecretary at Palace Press Officer Claire Castro na dapat masusing imbestigahan ang mga transaksiyong kinasasangkutan ng mga public official na may alegasyon ng anomalya.

“Sa lahat ng ma-anomalya na transaksiyon na kinapapalooban ng mga public officials ay dapat lamang itong maimbestigahan,” ani Castro.

Binigyang-diin ni Castro na dapat maihatid nang maayos sa publiko ang mga serbisyong pinopondohan ng pamahalaan, lalo na’t mahalagang bahagi ng digitalization ang maaasahang connectivity.

Nang tanungin kung ang ghost internet issue ay makaka-apekto sa efficiency at streamlining sa transactions at serbisyo sa gobyerno, Castro replied, “Definitely kasi kung kulang ang mga maibibigay sa ating serbisyo, hindi magiging maganda ang epekto nito.”

Gayunman, sinabi ni Castro na wala pang matutukoy na opisyal na dapat managot habang nagpapatuloy ang mas masusing imbestigasyon.

“Wala pa akong masasabi sa ngayon… kailangan ng mas masinsinang pag-iimbestiga,” ani Castro.

Nanawagan din ang Palasyo sa mga contractor at investor na tuparin ang kanilang mga obligasyon at tiyaking kumpleto ang mga serbisyong binayaran ng pamahalaan. (KRIS JOSE)

The post Malakanyang, suportado imbestigasyon sa ‘ghost internet’ scheme first appeared on Remate Online.

Isinagawa ang BAYANI Ka Awards at Tatak KALAHI-CIDSS Awards sa SM Sky Hall sa Bacolod City nitong Martes, Setyembre 22, na dinaluhan ng mga kinatawan mula Luzon, Visayas at Mindanao, gayundin ng mga katuwang na organisasyon.

Ayon kay DSWD Assistant Secretary for Promotive Programs Edmon Monteverde, ang BAYANI Ka Awards, na sinimulan noong 2014, ang pinakamataas na pagkilalang iginagawad ng DSWD-KALAHI-CIDSS sa mga natatanging boluntaryo, grupo at katuwang nito.

Kabilang sa mga pinarangalan ngayong taon sina Angelica Resplandor ng Polillo, Quezon; Dionel Calibayan ng Surallah, South Cotabato; Ma. Mayonaise Monton ng Cabucgayan, Biliran; Jasper Syvel Prudente ng Polillo, Quezon; Elmer Pamocol ng Bingawan, Iloilo; at Eva Refuela ng Don Salvador Benedicto, Negros Occidental.

Kinilala rin ang mga LGU ng San Isidro at Guindulman sa Bohol, gayundin ang Abante Fatima Women’s Association ng New Washington, Aklan, sa iba’t ibang kategorya.

Sa Tatak KALAHI-CIDSS LGU Awards, itinanghal na kampeon ang Municipality of Lopez Jaena, Misamis Occidental para sa Molatuhan Bajo Level II Waterworks System. First runners-up ang Claveria, Masbate at Zamboanguita, Negros Oriental, habang second runner-up ang Barangay Sta. Cruz, Tagbina, Surigao del Sur.

Binigyan din ng special recognition ang Bataraza, Palawan para sa pilot testing ng Child Participation sa ilalim ng Philippine Community Resilience Project.

Binigyang-diin ni Monteverde na sa KALAHI-CIDSS, itinuturing ang mga komunidad bilang aktibong katuwang sa pagtukoy ng mga problema at pagbuo ng mga solusyon para sa kanilang sariling pag-unlad. SANTI CELARIO

The post Mga bayani ng komunidad kinilala ng DSWD first appeared on Remate Online.

Naharang ang pasahero dahil sa dalang sobrang Philippine currency na lampas P10,000. Sinabihan siya ng pulis ng “Kung ano maluwag sa iyo” at matapos magtawaran, nagbigay ng P5,000 para makasakay.

Nagsampa ng reklamong grave misconduct ang biktima sa National Police Commission. Napatunayang guilty ang pulis at tinanggal sa serbisyo — pinagtibay ito ng Office of the President noong 2022 at ng Court of Appeals noong 2024.

Umakyat sa SC ang pulis, pero ibinasura ang petisyon sa desisyong isinulat ni Senior Associate Justice Marvic Leonen (GR No. 276258, inilabas Setyembre 22, 2026).
Sa pagresolba ng petisyon, sinabi ng SC: “Walang dahilan ang Korte na ito na lumihis sa magkakaparehong finding sa mga naunang proseso na kinondisyon ng petitioner (pulis) ang paglaya ng respondent (babaeng pasahero) sa pagbabayad ng pera. Ang gawaing ito ay iregular at tahasang labag sa batas.”
Giit ng SC: Ang public office ay public trust. Iregular at tahasang labag sa batas ang pagkondisyon ng paglaya kapalit ng pera. Forfeited ang retirement benefits maliban sa accrued leave at habambuhay na bawal nang makabalik sa gobyerno. Jocelyn Tabangcura-Domenden

The post SC nagbabala: Korapsyon walang lugar sa serbisyo publiko first appeared on Remate Online.

Mas mataas ito ng 38 porsyento kumpara sa 7,931 kaso sa kaparehong panahon noong nakaraang taon.

Nakapagtala rin ang DOH ng 3,805 kaso mula Agosto 20 hanggang Setyembre 2, o 116 porsyentong mas mataas kaysa 1,762 kaso noong Agosto 6 hanggang 19. Dahil dito, lumampas sa epidemic threshold ang mga kaso sa buong bansa.

Iniugnay ng DOH ang pagtaas ng leptospirosis sa patuloy na pag-ulan at pagbaha. Sa kabuuang kaso, 8,640 o 79 porsyento ay mga lalaki, karamihan ay nasa working-age population na may median age na 33 at na-expose sa baha.

Bagama’t tumaas ang mga kaso, bumaba ang cumulative case fatality rate sa 5.1 porsyento, mula 10.55 porsyento noong 2025. Gayunman, 42 porsyento ng kabuuang nasawi ang naitala sa mga linggong lumampas sa epidemic threshold.

Ayon sa World Health Organization (WHO), ang leptospirosis ay bacterial disease na maaaring makaapekto sa tao at hayop. Maaaring makapasok ang bacteria sa katawan sa pamamagitan ng sugat sa balat o mucous membranes ng bibig, ilong at mata. Jocelyn Tabangcura-Domenden

The post Kaso ng leptospirosis sa bansa, umabot na sa halos 11K first appeared on Remate Online.

Kinumpirma ito ni SEC Company Registration and Monitoring Department Director Gerardo Del Rosario sa redirect examination ni private prosecutor Erwin Matib sa ika-28 araw ng impeachment trial ni Duterte nitong Martes.

Nauna nang tumestigo si Del Rosario sa cross-examination na walang hawak na meeting minutes ang SEC na magpapakita kung personal na dumalo si Duterte sa board o compensation committee meetings.

Sa redirect, binalikan ni Matib ang corporate documents: ang General Information Sheets (GIS) ng kumpanya, audited financial statements, Statement of Management Responsibility at mga probisyong binasa sa korte ukol sa awtoridad ng board of directors.

“Ayon po sa General Information Sheet ng Metro City Chow Foods Corporation, from 2018 to 2025, nag-a-appear po na si VP Sara Duterte ay member of the board of directors at stockholder ng nasabing kumpanya,” sagot ni Del Rosario nang tanungin kung ano ang nakatalang papel ni Duterte.

Sa hiwalay na talaan, ang Dec. 31, 2024 Statement of Assets, Liabilities and Net Worth (SALN) ni Duterte ay naglilista sa Metro City Chow sa ilalim ng kanyang business interests at financial connections.

 Tinukoy sa SALN na siya ay incorporator at stockholder at 2007 ang taon nang makuha ang interes.

Itinuro naman ni Matib si Del Rosario sa audited financial statements ng Metro City Chow para sa 2024 at 2023. Kinilala ng testigo ang Statement of Management Responsibility at binasa ang unang talata nito sa impeachment court.

“The management of Metro City Chow Foods Corporation is responsible for the preparation and fair presentation of the financial statements for the years ended Dec. 31, 2024 and 2023,” binasa ni Del Rosario, at idinagdag na tumutukoy ang pahayag sa prescribed financial-reporting framework at internal controls para masiguro na walang material misstatement dahil sa fraud o error.

Sunod na pinabasa ng prosekusyon ang bahagi hinggil sa papel ng board sa financial reporting process ng kumpanya.

“The board of directors is responsible for overseeing the company’s financial reporting process. The board of directors review and approve the financial statements and submit the same to the stockholders,” binasa ni Del Rosario.

Kinumpirma ng testigo na notarized ang Statement of Management Responsibility at isa ito sa mga kinakailangan para tanggapin ng SEC ang financial statements ng isang kumpanya.

Nang tanungin kung saan nakasalalay ang accountability sa ilalim ng pahayag, sumagot siya na nasa board of directors, batay sa nakasulat sa dokumento.

Dinala naman ni Matib si Del Rosario sa notes na kalakip ng naturang audited financial statements.

“The accompanying financial statements of the company as and for the years 2024 and 2023 were approved and authorized by its board of directors on March 31, 2025,” ani Del Rosario.

Sa maikling recross, tinanong ni defense counsel Justin Nicol Gular si Del Rosario kung may personal knowledge ang SEC sa partisipasyon ni Duterte.

“On personal knowledge, kung mayroong nangyaring ganito, hindi po namin alam, but we just rely on what is written in the document,” sagot ni Del Rosario.

Samantala, sa 2024 SALN ni Duterte, nakalista siya bilang umano’y stockholder ng GenCorp Industries Inc., ngunit hindi lumabas ang kanyang pangalan sa incorporation papers at general information sheets ng kumpanya na sinuri ng SEC, ayon kay Del Rosario.

Muling binalikan ang magkasalungat na entries sa cross-examination ng depensa at redirect ng prosekusyon.

Sa SALN ni Duterte as of Dec. 31, 2024, nakalista ang GenCorp sa ilalim ng kanyang business interests and financial connections kung saan nakasaad na ang nature ng kanyang interes ay “stockholder,” at nakuha noong 2013. Nasa parehong entry na dating Timesquare Bee Foods Corporation at Great Jolly Times Food ang kumpanya.

Sa direct examination noong Lunes, binasa ni Del Rosario ang GenCorp filings na nagpapakita ng total company sales na P1,042,746,818 at total company net income na P8,039,201 mula 2021 hanggang 2024. Aniya, walang impormasyon sa financial statements at GIS na sinuri na nagpapakita ng deklarasyon ng dividend. Ernie Reyes

The post VP Sara, nanatiling direktor ng Metro City Chow hanggang 2025 – SEC first appeared on Remate Online.

Ayon kay Presidential Communications Office (PCO) Undersecretary at Palace Press Officer Claire Castro, bahagi ito ng patuloy na pagsisikap ng DepEd na tiyakin ang kaligtasan at kapakanan ng mga mag-aaral sa buong bansa.

“Alinsunod din ito sa direktiba ni Pangulong Ferdinand R. Marcos Jr. na tiyakin ang kapakanan ng mga kabataan sa loob at labas man ng paaralan,” ani Castro.

Sa ilalim ng pamumuno ni DepEd Secretary Sonny Angara, layunin ng kampanya na palakasin ang kaalaman ng mga mag-aaral tungkol sa panganib sa internet at turuan sila ng praktikal na paraan upang maging ligtas at responsable sa paggamit ng mga digital platform.

Kabilang sa mga tatalakaying paksa ang ligtas na pakikipag-chat at online behavior, grooming at online child exploitation, cyberbullying at online harassment, privacy, scams, at pangangalaga sa personal na impormasyon.

Sinabi ni Castro na tatalakayin din ang responsableng paggamit ng social media, kaligtasan sa online gaming, pag-iwas sa marahas o mapanganib na online content, tamang screen time, at digital well-being.

Ayon pa kay Castro, magiging praktikal at madaling maintindihan ang mga aralin at learning materials upang matulungan ang mga mag-aaral, guro, at magulang na matukoy ang mga panganib sa online at malaman ang tamang hakbang upang maprotektahan ang kanilang sarili at ng iba pa.

Isasagawa ang kampanya sa pakikipagtulungan sa Department of Information and Communications Technology (DICT), Philippine National Police (PNP), Cybercrime Investigation and Coordinating Center (CICC), Department of the Interior and Local Government (DILG), Department of Health (DOH), at National Bureau of Investigation (NBI).

Makikibahagi rin ang mga lokal na pamahalaan at mga medical society sa pagbuo ng mga learning materials, safety protocols, at training para sa mga mag-aaral, guro, at magulang.

Magsasagawa muna ng pilot testing sa mga piling paaralan bago ipatupad ang kampanya sa buong bansa. (KRIS JOSE)

The post DepEd, maglulunsad ng Digital School Safety Campaign para sa proteksyon ng mga mag-aaral first appeared on Remate Online.