Manila, Philippines – Inilabas na ng National Bureau of Investigation o NBI ang mga CCTV footage na kuha sa hotel kung saan naka-check in si Sandro Muhlach at hotel na tinuluyan ng dalawang contractual staff ng GMA na inireklamo niya ng sexual abuse.
Kuha ang mga CCTV footage na ‘yon madaling araw nitong July 21.
Si Sandro ay galing sa GMA Gala the night before.
Makikitang paalis si Sandro sa tinutuluyang hotel patungo sa hotel kung saan naka-check in sina Jojo Nones at Richard Cruz bandang 4:39 am.
Dakong 4:47 am nang makarating siya sa hotel nina Nones at Cruz.
Kita rin sa footage ang pag-alis ni Sandro sa hotel room ng dalawa hanggang sa kanyang pagdating sa tinutuluyang hotel pasado alas sais na ng umaga.
Masusing pinag-aralan ng agent on case ang mga nasabing footage.
Mukhang normal pa raw si Sandro nang paalis sa tinutuluyang hotel.
Pero nang lumabas na raw sa hotel room nina Nones at Cruz ay mukha na itong “distressed and anxious.”
Bale validation lang ‘yon ng salaysay ni Sandro tungkol sa trauma na idinulot ng pang-aabuso sa kanya.
Matatandaang sinabi rin ni Sandro that it took him 10 days bago siya nagsumbong sa kanyang mga magulang dahil sa takot.
All this time daw ay hindi mawaglit sa kanyang isipan ang ginawang pambababoy sa kanya umano nina Nones at Cruz. Ronnie Carrasco III
