MANILA, Philippines – Idineklara na ang state of calamity sa probinsya ng Cebu dahil sa matinding epekto ng El Niño phenomenon.
Sa Facebook post, sinabi ni Cebu Vice Governor Junjun Davide na inaprubahan ng Cebu Provincial Board nitong Lunes, Mayo 20, ang resolusyon na nagdedeklara ng state of calamity sa probinsya dahil sa matinding epekto ng El Nino sa mga sakahan, palaisdaan, livestock at mga komunidad.
Inendorso ni Cebu Governor Gwen Garcia ang panukala ayon sa rekomendasyon ng Cebu Provincial Disaster Risk Reduction and Management Council.
“The persistent heat indexes severely depleted the water resources, which are crucial for agriculture, livestock and those who are in the fish pond/pen business. The extreme heat also caused a surge in heat-related illnesses and exacerbated pre-existing health conditions, increasing the number of patients in provincial and district hospitals,” saad sa Facebook post.
“The resolution added that forest and grass fire accidents pose a significant threat that may cause injury/death to persons or damage to property,” dagdag pa.
Binibigyang pagkakataon ng deklarasyon ng state of calamity ang lokal na pamahalaan na magpatupad ng price control, magkaroon ng pondo sa calamity response at umutang mula sa pamahalaan.
Hanggang noong Abril, nasa kabuuang 29 barangay na sa Cebu City ang inilagay sa state of calamity dahil sa banta ng El Nino. RNT/JGC