MANILA, Philippines – Ang mga nanguna sa licensure examinations para sa elementary at secondary professional teachers ay parehong nagtapos sa Cebu Normal University, ayon sa Professional Regulation Commission (PRC).
Sa LEPT na isinagawa noong Setyembre at Nobyembre sa 45 testing centers sa Pilipinas, Hong Kong, at Thailand, 21,967 sa 43,035 examinees sa elementary level (51.04%) at 57,729 sa 79,493 examinees sa secondary level (72.62%) ang nakapasa.
Si Christel Zamora De Los Reyes ang nagtala ng pinakamataas na marka sa elementary exam na 94.40%, habang si Jed Vincent Requilme Abadia ang nanguna sa secondary exam na may 94.80%. Nanguna rin ang Cebu Normal University bilang top performing school sa secondary teachers exam na may 97.57% passing rate mula sa 822 examinees nito. RNT
