MANILA, Philippines – Dapat ay maghanap ng pamamaraan para mapangasiwaan ang mga pagkakaiba, ayon kay Chinese Ambassador to the Philippines Jing Quan nitong Martes, Pebrero 10 kasunod ng tensyon sa pagitan ng mga opisyal ng Pilipinas at Chinese Embassy.
Sa kabila nito, nanindigan ito na mahigpit nitong isusulong ang laban sa false narratives at misinformation.
“So, as we advance China–Philippines cooperation, sometimes we also hear some noise from time to time. Someone, it seems that they want to spread false narratives, smear China, and stoke confrontation. It is the mission of our embassy to firmly, loudly, clearly say no to those people,” aniya.
Idinagdag pa ni Jing na layon ng China na palawakin ang kooperasyon sa Pilipinas.
“We cannot allow those misinformation to mislead the public or undermine bilateral relations. At the same time, we will continue expanding practical cooperation, using positive momentum to offset those noise until such distortions find no audience and no believers,” sinabi pa niya.
Wala namang pinangalanang indibidwal ang ambassador sa pahayag nito.
Sa kabila ng political friction, sinabi ni Jing na ang China at Pilipinas ay dapat na magsulong ng seryosong political dialogue at pagtulungan ang mga pagkakaiba-iba partikular na sa isyu ng mga dagat na sakop ng dalawang bansa.
“Let’s sit down, Let’s talk, let’s find ways to manage differences…so this year the Philippines serves as ASEAN Chair…we all hope that we can speed up consultations on what we call COC, Code of Conduct in the South China Sea, so [hopefully] that agreement will lay a solid foundation for managing maritime differences. ”
Ang proposed COC ay sumasailalim sa negosasyon sa pagitan ng China at ASEAN member-states kabilang ang mga bansa na nag-ooverlap sa maritime claims sa South China Sea. RNT/JGC
