Chinese ships sa WPS dumami – PH Navy 

MANILA, Philippines- Mas maraming Chinese military, Coast Guard, at research ships ang na-monitor sa West Philippine Sea (WPS), ayon sa Philippine Navy nitong Martes.

Mula Agosto 6 hanggang 12, nakapagtala ang Philippine Navy ng siyam na People’s Liberation Army Navy (PLAN) ships, 13 China Coast Guard (CCG) vessels, at dalawang research vessels sa WPS. 

Mas marami ito kumpara sa tatlong PLAN ships, 12 CCG vessels, at isang research ship na namataan noong nakaraang linggo.

Samantala, bumaba ang bilang ng Chinese maritime militia (CMM) vessels mula 106 hanggang 68.

Base sa Philippine Navy, may kabuuang 92 Chinese ships ang naobserbahan sa sumusunod na features sa WPS mula Agosto 6 hanggang 12:

• Bajo de Masinloc – 3 CCG, 6 CMM

• Ayungin Shoal – 5 CCG, 1 PLAN, 4 CMM, 1 research vessel

• Pagasa Islands – 2 CCG, 2 PLAN, 37 CMM

• Likas Island – 1 PLAN

• Lawak Island – 2 CMM

• Panata Island – 6 CMM

• Patag Island – 1 PLAN, 1 research vessel

• Sabina Shoal – 3 CCG, 3 PLAN, 13 CMM

• Iroquois Reef – 1 PLAN

Matatandaang naghain ang Pilipinas ng diplomatic protest laban sa China kasunod ng pagsasagawa ng air force ng Beijing ng mga mapanganib na aksyon sa Scarborough Shoal.

“The President strongly condemns the air incident in Bajo de Masinloc earlier this week, and stands by our brave men and women of the AFP, especially the Philippine Air Force,” anang Presidential Communications Office. RNT/SA