PINANGUNAHAN ni Games and Amusements Board (GAB) Chairman Atty. Richard S. Clarin ang katatapos lamang na “Zeus Combat League: Ground Zero”, isang professional mixed martial arts (MMA) event na ipinromote ni Bernardo “Burns” Soriano sa SM North EDSA Skydome nitong Sabado, Mayo 25.
Kabilang sa mga nanig sa kanilang laban sina John Mcleary Ornido na kumana ng tapout (rear naked choke) win laban kay Jethro Saba at Reydon Romero via technical knockout (TKO) victory kontra Jimboy Panlita sa 4:01 mark ng second round.
Wagi rin sina Marwin Quirante sa pamamagitan ng tap out (rear naked choke) laban kay Aaron Posawen at Jason Miralpez laban kay Denver Songaben via technical knockout.
Tinalo ni Franz Galvez si Jake Bron via split decision, samantalang naka-tap out (triangle choke) si Jahn Serbo kontra Arsenio Balisacan.
Kumana rin ng rear naked choke (submission) win si Mark Gregory Valerio laban kay Rone Decebal Deliu.
“Mabuhay ang ating mga MMA fighters,” wika ni Clarin na patuloy na isinusulong ang 3XPRO advocacy na “promote, professionalize, protect” ang Philippine sports.
