MANILA, Philippines- Iniulat ng Philippine Atmospheric, Geophysical and Astronomical Services Administration (PAGASA) na nakaranas ang Clark Airport sa Pampanga ng “dangerous” heat index na 50°C nitong Lunes, Mayo 6.
Sinabi ng PAGASA na 32 pang lugar ang nakaramdam ng heat indices sa ilalim ng danger levels kabilang ang Dagupan City, Pangasinan sa 47°C.
Sa Virac, Catanduanes, naramdaman ang heat index na 46°C, habang naranasan ang heat index na 45°C sa Aparri, Cagayan; Iba, Zambales; San Jose, Occidental Mindoro; Cuyo, Palawan; Roxas City, Capiz; at Iloilo City, Iloilo.
Naramdaman naman ang heat index na 44°C sa Laoag City, Ilocos Norte; Bacnotan, La Union; Tuguegarao City, Cagayan; Baler, Aurora; Puerto Princesa City, Palawan; at Aborlan, Palawan.
Samantala, sapul ang Ninoy Aquino International Airport (NAIA) sa Pasay City; Isabela State University (ISU) sa Echague, Isabela; Casiguran, Aurora; Cubi Pt., Subic Bay, Olongapo; Dumangas, Iloilo; Catarman, Northern Samar; at Dipolog, Zamboanga del Norte ng heat index na 43°C.
Gayundin, naramdaman ang heat index na 42°C sa Science Garden, Quezon City; Sinait, Ilocos Norte; Mariano Marcos State University (MMSU) sa Batac, Ilocos Norte; Central Luzon State University (CLSU) sa Muñoz, Nueva Ecija; Sangley Point, Cavite; Alabat, Quezon; Catbalogan, Samar; Tacloban City, Leyte; Davao City, Davao del Sur; Cotabato City, Maguindanao; at Butuan City, Ilocos Norte. RNT/SA
