MANILA, Philippines – Inanunsyo ng Metropolitan Manila Development Authority (MMDA) nitong Miyerkules, Nobyembre 11, ang suspensyon ng number coding scheme sa Metro Manila mula Nobyembre 16 hanggang 18, 2026 kasabay ng special non-working holidays para sa 49th Association of Southeast Asian Nations (ASEAN) Summit and Related Summits.
“From November 16 to 18, since Malacañang declared the dates as holidays, our number coding scheme will be suspended from Monday to Wednesday. These dates were declared special non-working holidays throughout Metro Manila,” sinabi ni MMDA Traffic Enforcement Group director Victor Nuñez sa pulong balitaan.
Samantala, sinabi ng MMDA na magpapakalat ito ng 2,637 tauhan mula Nobyembre 13 hanggang 19 para tumulong sa pangangasiwa ng trapiko.
Kabilang sa deployment ang street sweepers, mga miyembro ng Road Emergency Group at accredited towing trucks na ipoposisyon sa ASEAN at ceremonial routes. RNT/JGC
