Comeback ng UNIS sa susunod na buwan, pinaghahandaan na!

SOUTH KOREA – Naghahanda na ang K-pop girl group na UNIS para sa kanilang comeback!

Ayon sa mga ulat ng media outlets nitong Biyernes, July 12, naghahanda na ang UNIS para sa kanilang comeback sa susunod na buwan.

Target ng grupo na makapaglabas ng bagong awitin sa August 6, o halos limang buwan matapos ang kanilang debut sa awiting ‘WE UNIS’ noong Marso.

Ang UNIS ay isang grupong nabuo sa pamamagitan ng girl group survival program ng SBS na ‘Universe Ticket.’

Ito ay binubuo ng mga miyembrong sina Hyeonju, Nana, Gehlee Dangca, Kotoko, Yunha, Elisia, Yoona, at Seowon. RNT/JGC