MANILA, Philippines- Hindi na palalawigin ang panahon para sa paghahain ng Certificates of Candidacy (COCs) at Certificates of Acceptance of Nomination (CANs) para sa May 2025 Bangsamoro Parliamentary Elections (BPE).
Sinabi ni Commission on Elections (Comelec) Chair George Garcia noong Biyernes na tatanggap lamang sila ng COC at CAN para sa BPE hanggang ngayong Sabado, Nob. 9.
Mayroong 80 aspirants para sa mga kinatawan ng parliamentary district hanggang alas-5 ng hapon ng Biyernes — 32 sa Lanao del Sur, 16 sa Maguindanao del Norte, 12 sa Basilan, 11 sa Maguindanao del Sur, 7 sa Tawi-Tawi, at 2 sa Special Geographic Area (SGA) sa Cotabato.
Tatlong partidong pampulitika ng parlyamentaryo ng rehiyon (Moro Ako, Pro Bangsamoro at BAPA) ang naghain ng kanilang CAN at Listahan ng mga Nominado, gayundin ang Manifestation of Intent to Participate in the Parliamentary Elections.
Sa ilalim ng Bangsamoro Electoral Code, magkakaroon ng 25 parliamentary district seat allocations, na may walo para sa Lanao del Sur, apat sa Maguindanao del Norte, apat sa Maguindanao del Sur, tatlo sa Basilan, tatlo sa Tawi-Tawi, dalawa sa Cotabato City, at isa sa SGA sa probinsya ng Cotabato.
Samantala, 40 pwesto para sa mga partidong pampulitika sa rehiyonal na parlyamentaryo ang nakahanda. Nagsimula ang filing period noong Nob. 4 Jocelyn Tabangcura-Domendencococo
