MANILA, Philippines – Naunang tinawag ni Senador Juan Miguel “Migz” Zubiri bilang veteran bloc, inihayag naman ni Senador Vicente “Tito” Sotto III na mas gugustuhin nilang tawagin ito bilang conscience bloc alinsunod sa mungkahi ni Sen. Panfilo “Ping” Lacson.
“We can also make sure that fiscal policy passing through the Senate will be clean and transparent for the benefit of the country and our people,” ayon kay Sotto.
Si Zubiri ang unang nagpahayag tungkol sa naturang paksyon sa isang panayam, na aniya ay kinabibilangan nina Sotto, Lacson, Loren Legarda, at siya mismo.
Sa naturang panayam, sinabi ni Zubiri na susuportahan niya ang isang lider ng Senado na pananatilihin at poprotektahan ang integridad at tradisyon ng institusyon—hindi ang isang lider na diktador.
Aniya, ayaw niyang maging katulad ng ibang kapulungan na isa lang ang “emperor” na nagdidikta ng lahat ng gagawin ng mga miyembro ng lupon.
“And if you ask me if I’m satisfied with the leadership of the Senate, I’m not satisfied with the leadership of the Senate. So I’m open to supporting other candidates for Senate presidency,” ani Zubiri.
Ipinagmamalaki ni Senador Joel Villanueva, isa sa mga tumingkad na kakampi ng pamilya Duterte sa nakaraang 19th Congress, na may paborableng bilang upang mapanatili si Senate President Francis “Chiz” Escudero.
Sa kaso naman ni Zubiri, aniya, sinusuportahan niya si Sotto.
Ngunit nagpahayag ng tiwala si Villanueva na mapapanatili ni Escudero ang kanyang posisyon bilang lider ng Mataas na Kapulungan sa 20th Congress.
Para kay Sotto, unpredictable ang mangyayari sa Hulyo 28, pero magkaiba umano ang nalalabing panahon ng taon.
“It’s a different story,” ani Sotto, kaugnay ng ipinapalutang na posibilidad ng pagbabago sa Senate leadership.
“The leadership only serves at the pleasure of the senators. It could change anytime,” aniya. —Ernie Reyes
