MANILA, Philippines – Lumagda ng memorandum of agreement (MOA) ang Department of Migrant Workers (DMW) at ang Cybercrime Investigation and Coordinating Center para palakasin ang inter-agency cooperation at resource sharing sa pagitan ng dalawang ahensya.
Sa ilalim ng MOA, magtutulungan ang DMW at CICC para labanan ang illegal na aktibidad na may kaugnayan sa information at communication technology.
Layon din ng kasunduan na mapigilan at usigin ang mga cybercrime at mga krimen na lumalabag sa Data privacy Act.
Target din na pabilisan ang proseso ng digitization ng DMW at bawasan ang cyber risks ng OFWs.
Pinangunahan ni DMW officer-in-charge Hans Leo Cacdac at CICC Executive Director Alexander Ramos ang joint signing ng MOA.
Samantala, sinabi ng CICC na tutulong ito sa DMW sa illegal recruitment at trafficking in-person case records at digitization efforts. Jocelyn Tabangcura-Domenden
