Manila, Philippines – Habang sinusulat ito’y malamang na nai-file na ni Claudine Barretto sa NBI ang kanyang cyberlibel case laban kay Cristy Fermin.
Bunsod ito ng mga unano’y mapanirang pahayag ni Cristy at co-host nitong si Romel Tsika sa kanilang online show na Showbiz Now Na.
Naiparating ng aktres ang kanyang plano sa show na Kalurks ng GTV.
Partikular na inalmahan ni Claudine ang mga sinabi ni Cristy na nagparetoke umano siya,
nagpaospital siya dahil dito, meron siyang bipolar disorder at binubuhay siya ng kanyang kapatid na si Gretchen.
llang beses na daw nakiusap si Claudine kay Cristy na tigilan siya, but to no avail.
Nagpahayag si Claudine na hindi daw niya uurungan si Cristy kahit makiusap pa ito.
Ipinakita din ng Kalurks ang final cease and desist order mula sa legal counsel ni Claudine, advising Cristy and her co-host “to cease and desist from harassing their client, and making untruthful, scandalous and damaging remarks about her.”
Kinuwestyon naman ni Cristy ang demanda ng aktres: “So anong dahilan naman daw? Subukan niya! Lahat na lang idedemanda niya!
Dami niyang ginagawang kalokohan na puwedeng lumabas pag ginawa niya ‘yan.
“Okay, see her in court na lang. ‘Kaloka siya!” Ronnie Carrasco III
