Dagdag-presyo sa produktong petrolyo nakaamba sa sunod na linggo

MANILA, Philippines- Kasunod ng serye ng dagdag-presyo sa produktong petrolyo, asahan na ng mga motorista ang panibagong upward adjustments sa presyo kada litro ng langis sa susunod na linggo.

Ayon sa oil industry estimates base sa four-day trading, sinabi ni Department of Energy-Oil Industry Management Bureau Director III Rodela Romero na “another round of increase is expected next week…”

Narito ang estimated adjustments para sa local pump prices:

• Gasolina – walang pagbabago hanggang dagdag na P0.20 kada litro

• Diesel – P0.80 hanggang P1.00 kada litro

• Kerosene – P0.85 hanggang P1.00 kada litro

Anang Energy official, matutukoy ang pinal na price adjustments kasunod ng resulta ng trading ngayong Biyernes maging iba pang “relevant international oil events.”

Maiuugnay ang inaasahang fuel price hike sa “intensified geopolitical concerns in Gaza Strip wherein Israeli’s airstrikes killed three sons of a Hamas leader,” ayon kay Romero.

“Though, inventory build up of crude and fuels in the US tempered the oil price increase,” patuloy niya. RNT/SA