Home NATIONWIDE Dagdag-singil sa kuryente nagbabadya sa pagrekober ng NGCP ng ancillary services

Dagdag-singil sa kuryente nagbabadya sa pagrekober ng NGCP ng ancillary services

MANILA, Philippines- Nakaamba ang mas mataas na singil sa kuryente sa sa buong bansa simula sa susunod na buwan sa nakatakdang pagrekober ng National Grid Corp. of the Philippines (NGCP) sa natitirang unsettled payments para sa contracted reserve requirements nito o ancillary services mula sa power generators.

Matatandaang inaprubahan ng Energy Regulatory Commission (ERC) noong Disyembre ang koleksyon ng natitirang 70% deferred payments sa power reserve market na nagkakahalaga ng P3.05 bilyon.

Pansamantalang kinalos ang supensyon noong May 2024, dahilan upang marekober ng power reserve generators ang inisyal na P1.7 bilyon mula sa grid operator.

“In the next billing statement of NGCP, we will see additional current ancillary service charges, so the uncollected [payments] last year will be added in February rates,” pahayag ni NGCP head of Revenue Management Julius Ryan Datinggaling sa isang press conference sa San Juan City nitong Miyerkules.

Base sa ERC, ang kaukulang rate impact sa consumers ay P0.124 per kilowatt hour (kWh) para sa Luzon at Visayas, habang ang Mindanao ay magkakaroon ng rate impact na P0.033 per kWh.

Samantala, sa parehong press briefing, nanindigan si NGCP spokesperson Cynthia Alabanza sa integridad at seguridad ng transmission system ng bansa, sa kabila ng pagkabahala sa pagkakasangkot ng State Grid Corporation of China bilang 40% owner ng NGCP.

“They are saying that if the Chairman of the Board is Chinese, therefore, he is an executive and officer—that is not necessarily true, even the SEC (Securities and Exchange Commission) says that is not illegal,” ani Alabanza.

“The law permits having a foreign nationals in the board as long as they remain as president officers,” dagdag niya.

Giit ng NGCP official, tumatalima ang ownership structure ng NGCP sa 1987 Constitution, na naglilimita sa foreign ownership sa public utilities sa 40%. RNT/SA