MANILA, Philippines – Binuksan ang kauna-unahang one-stop shop para sa carabao dairy products sa Victorias City, Negros Occidental nitong Huwebes, Abril 18.
Ito ay matatagpuan sa Barangay I Satellite Market, na dinaluhan nina Mayor Javier Miguel Benitez at Senador Mark Villar, na nagrepresenta sa ina na si Senator Cynthia Villar na namumuno sa Senate Committee on Agriculture and Food.
“The Dairy Box will serve as support infrastructure for processing and marketing of carabao milk. We are looking forward that it will provide additional income for our carabao farmers,” ani Mark Villar.
Ang pasilidad ay bahagi ng P10-million Carabao-Based Business Improvement Network (CBIN) Project na ipinatupad ng DA-Philippine Carabao Center at pinondohan ng opisina ni Villar.
Pinasinayaan din ang Carabao Pen, isang sustainable at eco-friendly facility para sa animals at livestock raisers ng San Antonio Farmers Multi-Purpose Cooperative (SAFMPC) na pinondohan ng lokal na pamahalaan.
Ang communal pen ay matatagpuan sa Hacienda San Antonio, Barangay XIV na layong palakasin ang potential at mapababa ang setbacks ng CBIN.
“It stands as a testament to our dedication to improving livestock management and agricultural practices. It will enhance the livelihoods of our local farmers, providing them with the resources and training they need to thrive in an increasingly competitive market,” ayon kay Benitez.
Ang dalawang proyekto ay itinurn-over sa SAFMPC, isang organisasyon ng agrarian reform beneficiaries, na nagsisilbing conduit partner ng lokal na pamahalaan na mangangasiwa at magpapatakbo sa Dairy Box.
Bubuo at mamamahagi ng carabao dairy products ang SAFMPC sa ilalim ng brand name na Victorias Dairy o ViDa.
Sa seremonya, nakatanggap ang mga miyembro ng SAFMPC ng Dairy Box certificate mula kay PCC Deputy Executive Director Caro Salces. RNT/JGC
