MANILA, Philippines – Kumakalat ang isang video ng gay traffic enforcer ng Rosario, Cavite matapos na iupload ito ng isang netizen sa social media.
Mabilis itong kumalat at marami ang nagshare at nagcomment dahil “Good Vibes” ang dala nito sa maraming netizens.
Kuha ang video ni Luvi Mendoza na isang sales staff ng Urban Generation nito lamang Nob. 06, 2024 ganap na alas-3:58 ng hapon sa harapang bahagi ng Primemark.
Ayon kay Luvi, natuwa siya at the same time nakaka-good vibes ang datingan nya. Kaya kinuhanan ko siya ng video.
Iba’t iba naman ang komento ng mga tao.
“Napakabait po nyan sobra at dedicated talaga sa work nya, masayin pa”, sabi ni Jesseryl Ann Santero.
“Napakasipag na traffic enforcer niyan sa Rosario”, komento ni Josielyn Pureza.
“Isa sa mga pinakamabait na enforcer, i love you idol chang”, saad naman ni Anne Rivera Abueg.
“Ingat sya palagi sa work nya dahil sa kalsada sya nagtatrabaho at thank you sa pagbibigay ng goodvibes, kapag nakikita namin siya na sumasayaw habang nagtatraffic at syempre dahil nababasa ko sa mga comments salamat din sa pagiging mabait mo sa mga tumatawid at sa mga motorista na kahit traffic nagagawa nya pa magbigay ng goodvibes”, mensahe ng uploader na si Luvi Mendoza.
Kinilala ang gay dancing enforcer na si Francisco Esguerra, a.k.a “Chang”, 9 na taon ng traffic enforcer sa Rosario Cavite. Margie Bautista
