Home NATIONWIDE ‘Dangerous’ heat indices nagbabadya sa 31 lugar ngayong Linggo, Mayo 12

‘Dangerous’ heat indices nagbabadya sa 31 lugar ngayong Linggo, Mayo 12

MANILA, Philippines- Iniulat ng Philippine Atmospheric, Geophysical and Astronomical Services Administration (PAGASA) na 31 lugar ang maaaring makaranas ng heat index na itinuturing na “dangerous” ngayong Linggo, Mayo 12.

Posibleng pumalo ang heat index sa Laoag City, Ilocos Norte, at Aparri, Cagayan sa 46°C, habang nakaamba naman itong sumampa sa 45°C sa Roxas City, Capiz at Guiuan, Eastern Samar.

Samantala, maaaring makaranas ang MMSU, Batac, Ilocos Norte; Puerto Princesa City, Palawan; Cuyo, Palawan; Dumangas, Iloilo; at Borongan, Eastern Samar ng 44°C heat index.

Dagdag ng PAGASA, nagbabadya sa NAIA Pasay City, Metro Manila; Sinait, Ilocos Sur; Dagupan City, Pangasinan; Tuguegarao City, Cagayan; ISU Echague, Isabela; Sangley Point, Cavite; San Jose, Occidental Mindoro; CBSUA-Pili, Camarines Sur; Iloilo City, Iloilo; Catarman, Northern Samar; at Tacloban City, Leyte ang heat index na 43°C.

Samantala, maaari umanong makapagtala ng 42°C heat index sa Science Garden Quezon City, Metro Manila; Bacnotan, La Union; Ambulong, Tanauan Batangas; Aborlan, Palawan; Daet, Camarines Norte; Legazpi City, Albay; Virac (Synop), Catanduanes; Masbate City, Masbate; Mambusao, Capiz; Zamboanga City, Zamboanga Del Sur; at Davao City, Davao Del Sur.

Gayundin, iniulat ng PAGASA na 25 lugar ang nakaranas ng “dangerous” heat indices nitong Sabado, Mayo 11.

Ayon sa PAGASA naramdaman ang heat index na 46°C sa Laoag City, Ilocos Norte; Aparri, Cagayan; at Guiuan, Eastern Samar.

Sinundan ito ng heat index na 44°C sa MMSU, Batac, Ilocos Norte; Cuyo, Palawan; Virac (Synop), Catanduanes; Roxas City, Capiz; Dumangas, Iloilo; Borongan, Eastern Samar; at Zamboanga City, Zamboanga Del Sur.

Inihayag pa nito na naitala ang heat index na 43°C sa Sinait, Ilocos Sur; Dagupan City, Pangasinan; Sangley Point, Cavite; Puerto Princesa City, Palawan; at CBSUA-Pili, Camarines Sur.

Naramdaman naman ang heat index na 42°C sa Ninoy Aquino International Airport (NAIA) Pasay City, Metro Manila; Bacnotan, La Union; Alabat, Quezon; San Jose, Occidental Mindoro; Legazpi City, Albay; Masbate City, Masbate; Iloilo City, Iloilo; Catarman, Northern Samar; Tacloban City, Leyte; at Butuan City, Agusan Del Norte. RNT/SA