MANILA, Philippines- Sinabi ng Philippine Atmospheric, Geophysical and Astronomical Services Administration (PAGASA) na 38 lugar ang maaaring makaranas ng heat index na itinuturing na “dangerous” ngayong Lunes, Mayo 20.
Anang PAGASA, posibleng umabot ang heat index sa Sangley Point, Cavite; Virac (Synop), Catanduanes; Roxas City, Capiz; at Catarman, Northern Samar 46°C at 45°C sa Iba, Zambales; Legazpi City, Albay; at Guiuan, Eastern Samar.
Samantala, sa Casiguran, Aurora; Cubi Pt., Subic Bay Olongapo City; Ambulong, Tanauan Batangas; San Jose, Occidental Mindoro; Masbate City, Masbate; Iloilo City, Iloilo; Dumangas, Iloilo; at Zamboanga City, Zamboanga Del Sur ay maaaring maranasan ang 44°C heat index.
Nagbabadya rin ang 43°C heat index sa Science Garden Quezon City, Metro Manila; Dagupan City, Pangasinan; Tuguegarao City, Cagayan; ISU Echague, Isabela; Coron, Palawan; Puerto Princesa City, Palawan; Cuyo, Palawan; Mambusao, Capiz; Catbalogan, Samar; at Dipolog, Zamboanga Del Norte.
Dagdag ng PAGASA, maaaring makapagtala sa Laoag City, Ilocos Norte; Bacnotan, La Union; Aparri, Cagayan; CLSU Muñoz, Nueva Ecija; Baler (Radar), Aurora; Calapan, Oriental Mindoro; Aborlan, Palawan; CBSUA-Pili, Camarines Sur; Panglao International Airport, Bohol; Tacloban City, Leyte; Borongan, Eastern Samar; Davao City, Davao Del Sur; at Butuan City, Agusan Del Norte ng heat index na 42°C.
Samantala, sumampa ang heat index sa Guiuan, Eastern Samar sa 50°C nitong Linggo, kasunod ng 51°C noong Sabado. RNT/SA
