SARANGANI- TADTAD ng bala ng baril nang matagpuan ang bangkay ng isang dating punong barangay sa ia bahay sa bulubunduking bahagi sa bayan ng Malungon, iniulat kahapon.
Kinilala ang biktimang si Abu Timbuko Mending, 56-anyos, dating punong barangay sa Barangay Rosary Heights 9, Cotabato City.
Batay sa report ng Police Regional Office-12, Sabado ng hatinggabi nang madiskubre ang bangkay ng biktima sa loob ng isang bahay sa Purok 5 Sitio Pulatana Barangay Malandag Malungon, Sarangani .
Sa pagsisiyasat ng pulisya, tadtad ng tama ng bala ng baril sa iba’t ibang parte ng katawan ang biktima na naging sanhi ng agaran nitong kamatayan.
Nadiskubre din na tinangay ng mga suspek ang sasakyan na Toyota Fortuner at mga cellphone ng biktima.
Nagpapatuloy naman ang ginagawang imbestigasyon ng mga awtoridad ang tunay na motibo sa krimen at pagkakakilanlan sa mga suspek para agaran pagdakip./Mary Anne Sapico
