MANILA, Philippines – Hinatulang guilty ng Office of the Ombudsman si dating Cebu governor Gwendolyn Garcia sa conduct prejudicial to the best interest of the service at simple misconduct sa pag isyu ng special permit na walang mandatory environmental clearances.
Sa desisyon nitong Hulyo 16, 2025, inutusan ng Ombudsman si Garcia na magbayad ng multa na katumbas ng anim na buwan ng kanyang suweldo bilang gobernador, at dapat ito bayaran sa opisina ng Ombudsman.
Ang kaso ay nagmula sa reklamo ni Moises Deiparine na nagtulak sa Ombudsman na ilagay si Garcia sa preventive suspension noong Abril 29, ilang linggo bago ang halalan ng Mayo 12, 2025.
Inakusahan ni Deiparine si Garcia ng grave abuse of authority, gross misconduct, serious dishonesty, gross negligence, conduct prejudicial to the best interest of the service at paglabag sa Code of Conduct and Ethical Standards for Public Officials and Employees.
Ibinasura ng Ombudsman ang mas mabibigat na mga kaso ngunit napatunayang mananagot siya sa conduct prejudicial to the service at simple misconduct.
Nakatuon ang reklamo sa inisyu ni Garcia sa Shalom Construction Inc. para iwaksi ang Mananga at Lusaran Rivers sa loob ng Central Cebu Protected Landscape.
Inakusahan ni Deiparine na ang administrasyon ni Garcia ay hindi nakakuha ng Environmental Compliance Certificate (ECC) o Certificate of Non-Coverage mula sa Department of Environment and Natural Resources (DENR) at hindi kumunsulta sa mga kinauukulang ahensya.
Sa 37-pahinang desisyon, sinabi ng Ombudsman na nilayon ni Garcia na tumugon sa matinding kakulangan ng tubig sa panahon ng El Niño phenomenon ngunit kailangan pa ring sumunod sa mga kinakailangan sa kapaligiran.
“Following a comprehensive evaluation of the evidence at hand, it can be reasonably inferred that the respondent’s intentions in desilting the Mananga River were well-meaning. She had sought to address the urgent water crisis brought about by the El Niño phenomenon,” saad sa desisyon.
Ayon kay Garcia, nagbigay siya ng permit para matugunan ang kritikal na kakulangan sa tubig na tumama sa Cebu City at pito pang lokal na pamahalaan sa ilalim ng lugar ng serbisyo ng Metropolitan Cebu Water District.
Sinabi niya na ginawa niya ang desisyon sa pakikipag-ugnayan sa mga apektadong local government units at sa DENR, Environmental Management Bureau at Mines and Geosciences Bureau. RNT/MND
