MANILA, Philippines – Muling pumirma ang Philippines at Italy ng renewed defense cooperation agreement upang palakasin ang ugnayang pangdepensa, ayon sa Department of National Defense (DND).
Sinabi ng DND na pinirmahan ni Foreign Affairs Secretary Theresa Lazaro ang kasunduan kasama si Italian Minister of Defense Guido Crosetto sa gilid ng Munich Security Conference sa Germany noong Feb. 14.
Ani DND, ang kasunduang ito ay hakbang para sa “strengthening bilateral defense relations” at mas praktikal na kooperasyon, kabilang ang long-term capability development at interoperability, batay sa mutual respect at strategic trust.
Dagdag ng DND, pinahahalagahan ng Pilipinas ang lumalawak na partisipasyon ng Italy sa Indo-Pacific at inaasahan ang tuloy-tuloy na kooperasyon para sa maritime security, global stability, at mutual interests. RNT/MND
