MANILA, Philippines- Sinisingil ang Department of Environmental Resources (DENR) ng P1.2 bilyon ng isang kompanyang nagtayo ng isang resort sa environmentally protected Upper Marikina River Basin.
Tinukoy ng DENR ang kompanya na Blue Star Construction and Development Corporation (BSCDC).
Siningil umano ng kompanya ang DENR para sa “legal, security and miscellaneous expenses [and] damages incurred from the delay of the delivery of the lot” simula noong Hunyo 2018.
Kabilang din umano rito ang monthly rental na P100,000 para sa “professional squatter” para sa hanggang 10 ektarya ng lupaing inilaan para sa National Bilibid Prison.
Subalit, sinabi ng DENR na walang legal na basehan ang billings na inihain ng kompanya.
Ayon sa DENR, lumikha ito ng investigation committee upang busisiin ang isyu.
Anito, napag-alaman nito na “the contracts entered into by BSCDC (Blue Star) had legal infirmities ranging from unlawful excise of land for housing purposes in a National Park to award of contracts without bidding.” RNT/SA
