MANILA, Philippines- Muling nanawagan ang Department of Foreign Affairs (DFA) nitong Biyernes sa mga Pilipino sa Lebanon na tanggapin ang alok ng Philippine government na repatriation program sa gitna ng pagpili ng mayorya sa 11,000 na manatili sa Middle Eastern country sa kabila ng umiiral na karahasan sa pagitan ng Israel at Hezbollah.
Sa isang press conference, iniulat ni DFA Undersecretary for Migrant Workers Eduardo de Vega na nagsasagawa ang Philippine Embassy sa Lebanon ng mga hakbang upang ikasa ang mass repatriation sakaling kailanganin ito.
Subalit, inihayag niyang “so far it’s not going to happen yet, not right now, partly because the Filipino community and their leaders are still very hesitant to leave. This is a sign that they are still relatively safe in Lebanon.”
Sinabi ni De Vega na wala pang naiuulat na nasaktang Pilipino, subalit sa pagbabalik ng flights paalis ng Beirut noong Oktubre 10, hinihimok ng DFA ang mga Pilipino sa Lebanon na boluntaryong umuwi.
“We reiterate the call for all Filipinos in Lebanon to avail of the government’s voluntary repatriation program when commercial flights become available and while the situation in Beirut in Lebanon is still relatively stable,” panawagan ng opisyal.
Ayon kay De Vega, ang mga matagal nang nananatili sa Lebanon ang mga tumatangging mag-avail ng repatriation program, habang ang mga bago pa sa bansa ang kumokonsidera sa programa.
“Voluntary repatriation because a lot of Filipinos in Lebanon are not supposed to be there, meaning they entered through third countries [or] in the first place they were not processed with POEA, DMW,” giit niya.
Binanggit din ng opisyal ang karaniwang sinasabi ng Filipino communities sa war-stricken areas, “‘Mas okay na mamatay sa gera kaysa mamatay sa gutom.’ They love saying that.”
“The mentality is, you know, they rather take their chances here than go home and the old timers, especially the ones who have been through most of the wars here, they say that they had seen it all and they will survive,” pahayag naman ni Philippine Ambassador to Lebanon Raymbond Balatbat.
“Of course, there’s an element of loyalty to their employers whom they served for 20, 30 years. Marami sa kanila sila ang nagpalaki sa mga anak ng employer nila. There is a sense of loyalty na they are also part of family and they’ve been guaranteed na kung may mangyari, nagsasama naman sila,” patuloy niya.
Nauna nang iniulat ng DFA na mahigit 1,000 Pilipino sa Lebanon ang humingi ng tulong mula sa Philippine government para makauwi sa Pilipinas.
Subalit, sinabi ng opisyal na halos kalahati sa kanila ang binawi ang kanilang aplikasyon at nagbago ang isip.
“They will only decide to leave when the situation is so bad, when the war is at their doorstep saka sila magpapa-[repatriate],” giit ng opisyal.
“While this is happening, the Philippines reiterates its call to all parties to reduce tensions, prevent further escalations, and urge for peaceful solution… in a very important region where millions of overseas Filipino workers reside,” ani De Vega.
Sa abiso nitong Lunes, hiniling ng embahada sa mga Pilipino sa southern part ng Lebanon na maging updated sa local news at manatili sa loob ng bahay hanggang tumigil ang mga pagbomba.
Gayundin, maaari umanong makipag-ugnayan sa Philippine Embassy, sa 70- 858-086, at sa Migrant Workers Office, sa 79-110-729, sa Lebanon. RNT/SA
