MANILA, Philippines- Ilulunsad ng Civil Service Commission (CSC) ang digitized civil service exam bago matapos ang taong ito.
Bibigyang-daan ng sistema na magamit ng examinees ang sarili nilang laptop upang kumuha ng pagsusulit sa CSC-designated centers.
Inanunsyo ito ni CSC Commissioner Aileen Lizada nitong Huwebes sa Senate committee on finance deliberations sa proposed budget ng ahensya para sa 2025.
Ayon kay Lizada, bibibigyang-daan ng programang Civil Service Digitized Examinations (CSDEx) na magdala ng sariling laptop ang examinees saan mang CSC-designated centers “to take the exams anywhere in the Philippines.”
“We will be launching soon before the year ends,” paglalahad ni Lizada.
Papalitan ng CSDEx ang computerized exams ng CSC.
“We will be doing this to pave the way so that wala na tayong computerized exams, but the expanded CSdex will be taking that place,” anang opisyal.
Samantala, sinabi ni Lizada na pananatilihin ang traditional pen and paper mode of exams sa mga lugar na may mahinang internet signal o connectivity. RNT/SA
