MANILA, Philippines- Patuloy ang ginagawang pagpupuno ni Pangulong Ferdinand Marcos Jr. sa mga bakanteng posisyon sa kanyang administrasyon.
Sa katunayan, matapos italaga si Juanito Victor C. Remulla Jr. bilang ad interim Secretary ng Department of Interior and Local Government (DILG), at Gener M. Gito at J. Ermin Ernest Louie R. Miguel bilang mga Associate Justice ng Sandiganbayan ay muli na namang nagtalaga ang Pangulo ng mga bagong personalidad sa iba’t ibang ahensiya at departamento ng pamahalaan.
Itinalaga ni Pangulong Marcos si Emerald Anne R. Ridao bilang Senior Undersecretary ng Presidential Communications Office (PCO) at Florante S. Solmerin bilang Director III ng PCO. Itinalaga rin ng Pangulo sina Jose Ma. S. Dinsay bilang Foreign Trade Officer I, Magnolia P. Misolas-Ashley bilang Foreign Trade Service Officer I, Benedict M. Uy bilang Foreign Trade Service Officer I at Carla Regina P. Grepo bilang Foreign Trade Service Officer III para sa Department of Trade and Industry (DTI).
Itinalaga rin ng Chief Executive si Ricardo M. Salomon Jr. bilang miyembro ng Movie and Television Review and Classification Board (MTRCB). Kris Jose
