MANILA, Philippines- Sinabi ni dating presidential legal adviser Salvador Panelo na ang disbarment case laban kay dating Pangulong Rodrigo Duterte ay walang legal na basehan dahil hindi umano ito lumabag sa anumang batas bilang miyembro ng bar.
“The disbarment case against FPRRD has no legal basis. He has not violated any unethical conduct or law as member of the bar,” giit ni Panelo nitong Biyernes.
“A citizen cannot be called a criminal without being convicted by a competent court of a commission of a crime,” dagdag niya.
Binigyang-diin ni Panelo na “no admission was made on extra-judicial killings.”
“They should read the transcript of the proceedings. All his statements on killings were all hyperbole. They will not stand in court,” dagdag ni Panelo.
Naghain ng disbarment complaint laban sa dating presidente dahil sa umano’y paglabag sa Code of Professional Responsibility and Accountability (CPRA), “a conduct unbecoming of a lawyer.”
Inihain ito ng human rights advocates at mga pamilya ng mga biktima ng mga naiulat na extrajudicial killings sa war on drugs ng administrasyong Duterte. RNT/SA