MANILA, Philippines – Nagbabala ang Department of Migrant Workers (DMW) sa mga OFW at kanilang pamilya kaugnay ng dumaraming insidente ng iniwang balikbayan boxes ng mga kahina-hinalang cargo forwarders.
Inilabas ng Bureau of Customs (BOC) ang listahan ng mga local at foreign companies na sangkot sa mga insidenteng ito.
Mga foreign forwarders na may maraming ulat ng inabandonang padala: Kabayan Island Express Cargo, Allwin Cargo LLC, Manila Cargo, Mediacom Express Cargo, Pinoy Network Cargo WLL, GM Multi Services Cargo, Sel Air Cargo, Sky Freight, CMS General Services FZC LLC, Tag Pinas Marine Brokerage Company, Bluebridge Internation Gen, Lawin International Logistics Co L, Rensworld Freight Logistics Corp.
Mga local forwarders na nakalista rin: FBV Forwarders and Logistics, Inc., Cargoflex Haulers Corporation, Rensworld Freight Logistics Corporation, CMG International Movers, ETMAR International Logistics, KC Door to Door Delivery Services, FGTI Forwarding Services, MBS Cargo Mover Co., Tri Star Cargo Express Int’l Phils Inc., J Box Express Line.
Paalala ng DMW na siguraduhing accredited at mapagkakatiwalaan ang pipiliing forwarder, at mag-ingat sa mga nag-aalok ng sobrang murang singil.
Pinayuhan din ang publiko na magtago ng resibo at dokumento, gumawa ng inventory ng laman ng padala, at subaybayan ang tracking information.
“Para ito sa kaligtasan ng publiko,” ayon sa DMW, sabay hikayat na i-verify ang forwarder sa website ng DTI Fair Trade Enforcement Bureau. RNT
