MANILA, Philippines – Nakunan sa kamera si Department of Health (DOH) Undersecretary Elmer Punzalan na tila natutulog sa gitna ng budget hearing ng ahensya.
Si Punzalan ang nakatalaga sa Medical Assistance to Indigent Patients (MAIP) program, na hanggang ngayon ay may bilyun-bilyong pisong utang pa umano sa mga ospital at pasyente.
Dahil dito, ilang sektor ang nagtanong kung naapektuhan ang serbisyo ng programa dahil sa kakulangan ng atensyon mula sa DOH.
May mga panawagan din sa Kongreso na kalampagin ang ahensya upang tiyaking maayos na mapapamahalaan ang pondo para sa mahihirap. RNT
