MANILA, Philippines- Nasa 150 na prosecutors ang nakatakdang kunin ng Department of Justice (DOJ) sa Hulyo.
Target ng DOJ na mapanatili umano ang zero backlog policy sa paghawak sa mga kaso.
Ito ang inihayag ni DOJ Undersecretary Fedderick A. Vida sa ginanap na oath taking ng mga bagong opisyal ng Prosecutors League of the Philippines (PLP).
Sa idinaos na oath taking ng PLP officers, sinabihan ni Justice Secretary Jesus Crispin C. Remulla ang mga piskal na pagtibayin ang kanilang commitment para maging mahusay.
“Champion the rule of law with resolve and integrity, set the bar high by relentlessly delivering real justice for all in real time,” ani Remulla.
Kabilang sa mga bagong opisyal na nanumpa ay sina PLP President Armando H. Cavalida, Executive Vice President Giovanne T. Lim, Vice President for National Capital Region Vimar M. Barcellano, Vice President for Luzon Mary May B. De Leoz, Vice President for Visayas Editho A. Castillo Jr., Vice President for Mindanao Merlynn B. Uy, Secretary General Sinforoso T. Roque Jr., Treasurer Michelle S. Guyab, Auditor Laurence Joel M. Taliping, at Public Relations Officer Ferdinand Parayno. Teresa Tavares
