MANILA, Philippines – Walang nakatakdang operasyon o invasive medical procedure para kay dating House Speaker Martin Romualdez, ayon kay Dr. Rosalio Torres, overall coordinator ng medical team nito.
Ang testimonya ni Torres ay kasabay ng ikalawang araw ng pagdinig sa mosyon ni Romualdez na humihirit ng hospital detention kaugnay sa P7.4 bilyong plunder case na isinampa laban sa kanya sa umano’y kaugnayan sa flood control scandal.
“None at the moment,” sinabi ni Torres nang tanungin ng prosecution panel kung may agarang operasyon o invasive medical procedure na nakatakda para kay Romualdez.
Matatandaan na si Romualdez ay inaresto noong Setyembre 7 habang naka-confine sa Cardinal Santos Medical Center.
Nag-isyu na ng kautusan ang Sandiganbayan Third Division na nagtatakda ng detention kay Romualdez sa New Quezon City jail sa Payatas. RNT/JGC
