Manila, Philippines – Samu’t-saring espekulasyon noon ang naglabasan nang magkahiwalay sina Bea Alonzo at Dominic Roque.
Naging harsh pa nga ang ibang nagmamahadera sa pagkakalat ng balitang may gay benefactor daw umano ang huli na ikina-turn off umano ni Bea.
Katunayan, may mga pa-savage ring nagbigay ng malisya kung bakit afford ng actor ang comfortable na lifestyle gayong thriving lang ang business nito at wala naman itong permanenteng trabaho sa showbiz.
Ikinonek pa ang pagkakaroon niya ng mamahaling condo sa isang pulitiko at sa isa sa mga dating executives ng TAPE, Inc. na si Bullet Jalosjos.
Nilinaw naman noon ni Bullet na matagal na silang magkaibigan ni Dom at ang condo unit niya ay matagal nang pinapaupahan sa actor.
Gayunpaman, hindi pa rin masawata ang ilang nagmamaldita sa pagkakalat ng unfounded rumors sa binata.
Sa kanyang Instagram account, muli na naman itong inurot ng isang basher sa kanyang latest post.
Sa kanyang post, makikita kasi ang mga ganap ng actor sa unang bahagi ng Hulyo kung saan ipinasilip niya ang bonding moments niya sa kanyang mga kaganap, mga katrabaho at mga kaibigang sina Kathryn Bernardo, Kim Atienza, Ria Atayde, Khalil Ramos, Pat Sugui, Aeriel Garcia, Gabbi Garcia at iba pa.
May caption itong: “Half of Hulyo, mostly phone photos…#HalfOfHulyo#TYL”
Isa namang detractor na may handle na ancheta.rodrigo ang nagkomentong, “Happy yung jowa ni Bullet.”
Hindi naman ito pinalampas ni Dom kaya sinopla niya ang naturang basher.
Ganti niya: “ Luhhh epal oh.”
Nakakuha naman ng suporta ang actor sa kanyang ibang followers na ganito ang mga naging komento.
“Beautiful photos Dom and I’m so happy seeing you with your aura soooooo bright. You are a breath of fresh air, ingat lagi and continue to be always there for your family.”
“Great that you have a strong support-system.
“You have a lot of friends that knew your heart that is why they chose you and they are with you! You are soooo loved @dominicroque. Enjoy life!” Archie Liao
